ବାଲେଶ୍ଵର ( ଭିଓଭି ) ୧୨/୧୦ – ରାଜ୍ୟ ସରକାରଙ୍କ ବରିଷ୍ଠ ନାଗରିକ ତୀର୍ଥଯାତ୍ରା ଯୋଜନାରେ ପଞ୍ଚମ ପର୍ଯ୍ୟାୟ ରେ ଆଜି ବାଲେଶ୍ୱରରୁ ବାରାଣସୀ ଓ ଅଯୋଧ୍ୟା ଅଭିମୁଖେ ବରିଷ୍ଠ ନାଗରିକ ତୀର୍ଥଯାତ୍ରୀ ଟ୍ରେନର ଶୁଭାରମ୍ଭ କାର୍ଯ୍ୟକ୍ରମ ଆରମ୍ଭ କରାଗଲା । ଓଡ଼ିଶା ସରକାରଙ୍କ ମାନ୍ୟବର ନଗର ଉନ୍ନୟନ ମନ୍ତ୍ରୀ ଶ୍ରୀଯୁକ୍ତ କୃଷ୍ଣ ଚନ୍ଦ୍ର ମହାପାତ୍ର, ଉପ ମୂଖ୍ୟ ସଚେତକ ତଥା ରେମୁଣା ବିଧାୟକ ଶ୍ରୀଯୁକ୍ତ ଗୋବିନ୍ଦ ଚନ୍ଦ୍ର ଦାସ , ସଦରର ବିଧାୟକ ଶ୍ରୀ ମାନସ କୁମାର ଦତ୍ତ, ବାଲେଶ୍ଵର ଜିଲ୍ଲାପାଳ ମହୋଦୟ ଏବଂ ଅନ୍ୟ ମାନ୍ୟଗଣ୍ୟ ଅତିଥି ଯୋଗଦେଇ ତୀର୍ଥଯାତ୍ରା ର ଶୁଭାରମ୍ଭ କରିଥିଲେ । ଉତ୍ତର ଓଡ଼ିଶାର ୫ ଜିଲ୍ଲାରୁ ୭୭୫ ଜଣ ବରିଷ୍ଠ ନାଗରିକ ତୀର୍ଥଯାତ୍ରା କରୁଛନ୍ତି ବୋଲି ଜିଲ୍ଲାପାଳ ସୂଚନା ଦେଇଛନ୍ତି । ଏଥିରେ ବାଲେଶ୍ଵର ରୁ ୧୮୦ , କେନ୍ଦୁଝର ଜିଲ୍ଲାରୁ ୧୪୦ , ଯାଜପୁରରୁ ୧୪୨ , ମୟୁରଭଞ୍ଜ ରୁ ୧୯୬ , ଭଦ୍ରକ ରୁ ୧୧୭ ଜଣଙ୍କୁ ମିଶାଇ ମୋଟ ୭୭୫ ଜଣ ଯାତ୍ରା କରୁଛନ୍ତି ।
ଏହି ତୀର୍ଥଯାତ୍ରା ବରିଷ୍ଠ ନାଗରିକମାନଙ୍କର ଦୀର୍ଘଦିନର ଆଶା ପୂରଣ କରିବା ସହ ସେମାନଙ୍କୁ ପବିତ୍ର ତୀର୍ଥସ୍ଥଳୀ ଦର୍ଶନର ଏକ ସୁନ୍ଦର ସୁଯୋଗ ପ୍ରଦାନ କରିବ । ଯାତ୍ରା ଓ ରହଣି ସମୟରେ ରାତ୍ରୀ ଜଗୁଆଳୀ , ଗାଇଡ , ଭ୍ରମଣ ବୀମା , ଚିକିତ୍ସା ଇତ୍ୟାଦି ସୁବିଧା ଆଇଆରସିଟିସି ପକ୍ଷରୁ ଯୋଗାଇ ଦିଆଯିବ ବୋଲି ଜିଲ୍ଲାପାଳ କହିଛନ୍ତି । ଗତକାଲି ଠାରୁ ତାଲିକାଭୂକ୍ତ ସମସ୍ତ ନାଗରିକ ଙ୍କ ର ପଞ୍ଜୀକରଣ ଏବଂ ରହିବା ବ୍ୟବସ୍ଥା କରାଯାଇଥିଲା ।
